خليفة الله
لسان
أبكم وقلب كفيف
...وطوق
بيلجم الكلمة لكنه عفيف
وعكاز
المعانى ضعيف......وقلب احتار مع التيار
..وراسم
ع الوشوش بسمة بطعم الزيف
وشعب
رخيص ودمه مفيش..
ودمع
العين بيملا بحور..ولقمة عيش
تسد
الجوع... تبات موجوع ..
.وتصحى
الصبح بتسلم
بكل
خنوع
على
أرضك ..على عرضك ...
وتنسى
الروح ...تعيش مجروح...
وظلم
يهد أحلامك...مفهش رجوع
عشان أنت يا دوب إنسان.
. بقلب نضيف
قصيدة
...
لية
الوجود موصوده أبوابه بسلاسل من بشر
متعلقة
أرواحهم بين الحياة والموت
...
مقتوله فيهم البراءة.... من قبل حتى متتولد جوا
العيون
عايشين
على هامش حياة
متغطين
بؤس وشقا
..متعشين
قهر وسكات ..متعريين جوا النفوس
..
أحلامهم البكر سراب
..مستجله
فى دفتر غياب
لو
حد قابل حلمه صدفه وهو صاحى
يفوق
على ألم الـــ عتاب
..ازاى
بتحلم !!!
..
أكوام هموم بتكعبلك فوق الرصيف
وغيامه
سودا بتخنقك فــ عز صيف
تنزف
دموعك مــــ الشقا
تروى
الرغيف
. معجونه
وياه المشاعر مخبوز على.. جمر الرضا
..فى
طابور حياة مبينتهــــــــيش
وحقيقة
مرة متتنســـــيش...
...ازاى
تعيش...!!!
وأنت
بتستر جتتك بقماشة خيش
وتغمس
الحزن بأنيين ...و بواقى عيش
مرمية
من ايد الشويش
ما
تفوق بقى
ازاى تسلم للكابوس !!!
ازاى
بتقبل تبقى كومبارس فى منامك
..وتلغبط
الحلم اللى باقى فـــ سكتك ...بدموع عينيك
وتبيع
فى ثورة رغبتك بشعور جبان
...أنت
المدان
بتسلم
العمر فى سكات
وتهد حلمك من هنا لحد الممات
وتقدم العرض بـــ خضوع
وتعيش آهات
كل احتمالات الأمل مرهونة بيك
مرفوض وجــــودك
فى المنام لو ناوى تحلم... بالكابوس
أصرخ بقى..
خوف فـــ اشباح الوجود
..أنطق وهز
الكون بعظمة حكمته
أنت خليفة الله
أنت الوجود وأنت الـــ نجاة ..أنت الحياة ...
أنت اللى ليك سجد الملايكة والشيطان..
مرداش يسلم
بالإيمان..
والدم على الأسفلت هان
الدم ينطق مهما كان ظلم الغيلان
مفضلش منك غير بكــــــا
فوق الرصيف ...
مفضلش منهــــــــم
غير بواقى للـــــــرغيف
مفضلش مني.. غير كلمــــتين
كتر البكا يولد لإنهيار
........كتر الوجع يولد لإنفجار
نص جميل يا ماجدة ... الله ينور عليكي .
ردحذف