أنا مش بحبِّك...بقلم الشاعر المصرى/ محمد على ..

أنا مش بحبِّك
زى اللى حبوا قبل منى
أنا ليلِك المليـــــــــــــان تَجَنِّى
أنا غصب عنى
بالتقينى ف دُنيا تانيه
ما فيها ثانية بدون وجوُدِك
طَب فين وعودِك؟
وفين مفاتيح الكلام؟
ماتسلميش لما ايدينا تنفرد
كفين بِكَف
مشبوك سلامنا بالقلوب
مكتوب فراقنا عَ الدروب
يا تِنجِرِف منا المسافة
وتِختِلف دَقات قلوينا
وتِنخِـــطِف بسمِتـــــــــنا خَطف
فَجرِك ينور ليلِك الموشوم براح
ألفين صباح
متنطورين
جوه قلوب عشقت حكايات الليالى
ورعشة الخوف اللى مالى صبرنا بطوق القلق
عِشق ان صَدق
يملى ميادِنك هًنا
طيب ليه انا؟
عاشق تفاصيل ارتحالات الزّمن جوّه العيون
ومنين أكون
بالقانى جُواكى فَرَح
خَدِّك طَـــــرَح
صفين حنان
نامت يامامات الخَجَل
فارداكى قصة بدون رتوش
خَبّى الوشوش اللى مداها بألف لون
محروم أغنِّى
وانا مش بحبّك
زى اللى حبوّا قبل منى
أنا مش بحبِك