الورد ناقصه السيف
ويزهر الميادين
ويفوح مداه فى القلب
الدم يكتب قصه الانسان
اوعاك تفكر غلط
اوعاك تفكر صح
امشى ورا نجمتك
اللى حتكتب صباحك
واعشق رياحك وعدى
بين الحوارى البور
جوه الحوارى النور
وبنات ولاد وآهات
تكتب ميلاد العشق
اوعاك تكون اجنبى
ده ملحها فى الدم
ولا تكون مذهبى
دى مصر هى الام
اوعاك يكون الفرض
قالك تسيب العرض
دوه شيطان مكتوبلك
ولخبط الدوره
الثوره مش عوره
ولا صدر بنت اتشق
من طعنه الغادرين
من لجلجه صوتك
لما يبيع الحق
والسبحه تتفرفط
خليك شجر واغصانه
خليك مطر ورعود
وكل شئ بيضن
لازم اكيد حيعود
انت المدى وهواها
انت البارود ورضاها
انت الفدى لحماها
انت اللى م الاول
كتفت اقدامك
مع ان قدامك
الدم كان متنتور
على سيوف العسس
انت اللى بحت بموتك
للى ما يعشقهاش
طب ليه تبوح ببلاش
يا معطل الطواحين
عن لقمه الحريه
انت القضيه وبس
كل اللى راح اهو راح
والباقى له ديه
الثوره آهه وورود
وضحكتين وعمار
وميزان عليه استوى
العدل واتمطع
خليك جدع مره
الثوره مش حره
ولا على كيفها
الثوره دم النهار
وفجرها من روحك
ميكفيهاش بوحك
يكفيها تثبت مكانك
اوعاك تفكر غلط
اوعاك تفكر صح
خليك ورا ثورتك
هى الدليل فى الليل
ونهايه المواويل
والورد لازمه السيف
كفايانا منها خريف
يبقى الربيع الجى
مكتوب على الاسفلت
مكتوب ومن دمنا
مكتوب ما بيهزرش
اوعاك تكون اجنبى
ردحذفده ملحها فى الدم
ولا تكون مذهبى
دى مصر هى الام
نص جميل و يحمل هدفا وطنيا عظيما يا أستاذ مصطفى ....
حفظك الله أيها المبدع الجميل و حفظ الله أوطاننا ..