متقطَّعيش صَمت الوَتَر
مُستفعِلُن أو فاعلٌ أو فاعلاتُنْ أو فعولٌ أو فَعَلْ
مش ذنب قلبي انُّه انفعَل واشتاق وِرَقّ
متقطَّعيش صَمت الوتَر تفاعليل لبَحر منعرفوش
فين انتهى .. ومنين بدأ
أنا مُنسَرِح ف عنيكي مِن دَمعة أمل
وبسيط .. بطيبة قلب أبويا وضحكتُه
وطويل .. بطول ليل المآسي ف حلمنا
وافِر في حُزن الناي على بُعد اللقا
ومديد .. غصوني اتفرَّعت جوّه الشقا
ما اقدرش اقول " كامل " أنا
- غير ف الوجع -
حَرَّكت ساكن دَمعِتِك
وانا فيّا زحّاف اتولد يوم بُعدنا
إضمار ونَقْص وجَرح صابِك بالخَبَن
متسوّديش شمس القصايد بالعِلل
لسّه البياض تفعيله من بحر اللبن
يا عيون خَطر ..
مِن يوم ما قطَّعتي الوتَر
بحذف وتد .. وبضيف سبب
ولا عدت افرَّق بين سريع أو بين خَبَب
ما تخطّطيش مجرى الموسيقى بالقلَم
لَحن الوَتر ..
مبيعترفش ف شهوة الشوق بالغموض
ولا عُمر حَشْو اللهفه بيكمِّل عَمود
متقطَّعيش صَمت الوَتر
الحُزن عُمرُه ما كان قوافي مِن المطر
والحبّ مش حصِّة عَروضْ
..
شِعر / أحمد سعيد موسى
2008
مُستفعِلُن أو فاعلٌ أو فاعلاتُنْ أو فعولٌ أو فَعَلْ
مش ذنب قلبي انُّه انفعَل واشتاق وِرَقّ
متقطَّعيش صَمت الوتَر تفاعليل لبَحر منعرفوش
فين انتهى .. ومنين بدأ
أنا مُنسَرِح ف عنيكي مِن دَمعة أمل
وبسيط .. بطيبة قلب أبويا وضحكتُه
وطويل .. بطول ليل المآسي ف حلمنا
وافِر في حُزن الناي على بُعد اللقا
ومديد .. غصوني اتفرَّعت جوّه الشقا
ما اقدرش اقول " كامل " أنا
- غير ف الوجع -
حَرَّكت ساكن دَمعِتِك
وانا فيّا زحّاف اتولد يوم بُعدنا
إضمار ونَقْص وجَرح صابِك بالخَبَن
متسوّديش شمس القصايد بالعِلل
لسّه البياض تفعيله من بحر اللبن
يا عيون خَطر ..
مِن يوم ما قطَّعتي الوتَر
بحذف وتد .. وبضيف سبب
ولا عدت افرَّق بين سريع أو بين خَبَب
ما تخطّطيش مجرى الموسيقى بالقلَم
لَحن الوَتر ..
مبيعترفش ف شهوة الشوق بالغموض
ولا عُمر حَشْو اللهفه بيكمِّل عَمود
متقطَّعيش صَمت الوَتر
الحُزن عُمرُه ما كان قوافي مِن المطر
والحبّ مش حصِّة عَروضْ
..
شِعر / أحمد سعيد موسى
2008
جميل جدا استخدام بحور الشعر بهذا الشكل الشعري الجميل
ردحذففكرة روعة بجد
الله ينور يا أستاذ أحمد