ألا لبيك يا ربي ...بقلم ...بنت القناوى ( مرفق فديو للاستماع )

عيون القلب لوبتشوف حقيقة الكون تغيب عنه

وتقفل على الوجع بــ الحلم ...

ونبض القلب لو يسمع تسابيح الشجر والبحر

وترتيل الرياح بالفجر...

وقشعرة الجبال والصخر 

.. يزيد آنه

وريد القلب لو يقدر يضخ الطهر فى قلوبنا

 ويمنح للجسد معنى... ويشطب مــ الوشوش أحزان..

 حالات الجرح فى قلوبنا 

.. هاتصبح كان

وتبدأ سجدة تجمعنا كـــ أنس وجان..

فى لحظة مـ الوجود كله بيسجد طهره ويسبح لرب الكون

هاتسجد كل جوارحنا معاه ونكون ..

  وجسمك  يسعى فى المروة ..

.وروحك  تجرى وتسابق لفوق توصل  لتحت العرش...

 وبترتل آيات النون ..

ولما تطوف سبع أشواط ...وتتحلل من ذنوب قلبك

.....تعيش مفتون....لرب الكون....وتنهل مـن رضاه ..وتــــكون ...

..  وبكتبلك.... وبكتبلك.... وأنا بحلم أزور بيتك وتهدا الروح

 وأرتل ويا ريح الطهر وأتبعتر كطير مجروح

 و  ترفعنى كما العصفور...

وجسمى  يضمه غفرانك....وأزيد فى البوح

وروحى من ذنوبى تئن

 فيشفعلى حبيب قلبي...ويسقينى الهدى بــ كفه....

وأصلي بالحرام لابيض كــ لون الفجر

 وأبنى من حنان لطفك جسور وصروح

تقربنى ..من ببان التوبة والغفران...وأقربلك

وتغسلنى من جراح الكون .

. .يارب أنا جيت على بابك...  ألبى وأطوف

وأردد كلمة بتطهر ألوف وألوف

وتمحى من قلوبنا الخوف

يارب اقبلنى روح طاهرة وقلب عطوف

...أنا لبيت ندا بيتك وجتلك أطوف

 ...وبهمس ويا نبض القلب .... وبردد ... ألا لبيك يا ربى

  ..  ألا لبيك يا ربى