بتِختلف
فالنَّظر من شَخص لشخص
بتحترف الحظر و رافض تِموت
ساعات
الصَّمت رده أبلغ م الكلام
وصوته بيعلى فوق أى صُوت
برغم إن قَمرك طفش وسابك
و حدفك فبحره و لمْ الشطوط
ورغم إن عُمرك سِنينه بتصرخ
و قلبك سُكوته فاق السكوت
وشبح المَاضى مِحاصرك وكاسرك
و دافن حياتك ف قَلب التابوت
شجرة تاريخك مَدت فروعها
و عَدت كل الخُطوط بخطوط
جابت نقطةْ أمل تايهه
فارقه مابين الحياه و المُوت
............................
بتِختلف
فالنَّظر من شَخص لشخص
بتحترف الحظر ساعة الغُروب
الشمس نايمه فوق كتافك
والليل قَميص من غير جيوب
و عمرك بيزحف زى طِفل
لسه عُمره شهور يا دُوب
و قلبك وَرده نجومها فاحت
لكن سماها شاربه ذنوب
و العَقل سلاح ذو حدين
و الصبر إتعلم من أيوب
و الدنيا مش ناقصه جهل
والجَهل مش ناقص عيوب
و الجَهر بالمعاصى كارثه
و الربْ قال للعبد توب
و الربْ قال للعبد توب
...................
(خالد الحداد)
ليست هناك تعليقات:
إرسال تعليق